REPUBLIKA E SHQIPERlSE
GJYKATA E SHKALLES SE PARE TE JURIDIKSIONIT TE PERGJITHSHEM
ELBASAN
N j o f t i m
Për shpallje konkurimi për vend të lirë pune, me kontrate te përkohshme deri ne 1 vit
Bazuar në ligjin nr. 98/2016 “Per organizimin e Pushtetit Gjyqesor ne Republiken e Shqiperise” dhe Kodit te Punes ne R.Shqiperise, shpall, për pozicion te lire si më poshtë:
- Për 1 (nje) vend, arketar/ magazinier pranë Gjykatës së Shkallës së Pare të Juridiksionit të Përgjithshem, Elbasan
- Përshkrimi i përgjithshëm i punës për pozicionin Nëpunës Gjyqësor (arketar/ magazinier), eshte si më poshtë:

1. Mban hyrje-daljet e të gjitha materialeve të magazinës;
2. Mban librin e inventarit për mjetet kryesore sipas çdo artikulli;
3. Mban librin e inventarit të çdo artikulli;
4. Mban librin e magazinës për mallrat e konsumit si pajisje zyre, karburant, tonerë, mjete pastrimi etj);
5. Merr pjesë në komisionet e inventarit të institucionit;
6. Merr pjesë në Komitetin e hartimit të kërkesave të projekt buxhetit;
7. Merr pjesë në komisionin e disponimit të materialeve të ndryshme;
8. Mban paratë gjendje dhe merr faturat dhe pagesat duke bërë rakordimet e duhura me krye-sekretaren dhe Nëpunësin e Financës dhe Buxhetit. Ben derdhjet ditore dhe javore ne banke, per arketimet e te hyrave monetare ne gjykate;
9. Kryhen çdo detyrë tjetër që i ngarkohet nga Këshilli i Gjykatës ;
10. Magazinieri mbikëqyret nga Kancelari dhe Pergjegjesi i Zyrës se Buxhetit .

-Kërkesat e veçanta për pozicionin Nëpunës Gjyqësor janë si më poshtë:

1. Të ketë mbaruar arsimin e lartë, preferohet Ekonomi, (Diplomë DIND ose DND),
2. Të ketë eksperiencë pune jo më pak se 1 vit, në profesion.
3. Të njohë dhe të përdorë programet bazë të punës në kompjuter.
4. Të ketë aftësi të mira komunikimi dhe të punës në grup.

-Kandidatet duhet të paraqesin zyrtarisht, brënda datës 24.01.2025, pranë Gjykatës së Shkallës së Pare të Juridiksionit të Përgjithshem, Elbasan, (Kancelari), kopje të dokumentave të mëposhtëm:

1. Kërkesë motivimi për aplikim në vendin e punës që konkuron.
2. CV.
3. Fotokopje të diplomës dhe listës së notave.
4. Fotokopje të librezës së punës,
5. Fotokopje të çertifikatave të trajnimeve apo kualifikimeve (nëse ka).
6. Dokument të gjuhës së huaj.
7. Vërtetim të gjendjes shëndetsore.
8. Vetdeklarim i vërtetimit të gjëndjes gjyqësore.
9. Kontaktet (numër telefoni dhe adresë email) dhe adresën e plotë të vendqëndrimit.
10. Fotokopje e kartës së identitetit.
11. Vertetim nga gjykata
12. Vertetim nga prokuroria

Mosparaqitja e plotë e dokumentave sjell skualifikim të kandidateve.
-Verifikimi paraprak, i përmbushjes së kushteve minimale për kërkesave të vecanta në shpalljen për konkurim, do të kryhet në ambientet e Gjykatës Elbasan, dhe brenda ditës do të shpallet lista e kandidatëve që plotësojnë kushtet e kërkesat te veçanta në shpalljen për konkurim dhe lista e atyre që nuk i plotësojnë.
-Fusha e njohurive, aftësitë dhe cilësitë që do të vlerësohen në intervistë janë;
Kushtetuta e Republikës së Shqipërisë, e ndryshuar, ligji nr. 98/2016, “Për organizimin e pushtetit gjyqsor në Republikën e Shqipërisë”, ligji nr. 96/2016, “Për statusin e gjyqtarëve dhe prokurorëve në Republikën e Shqipërisë”, ligji nr. 152/2013 ”Për nëpunësin civil” dhe akteve nënligjore të dala në zbatim të tij, Kodin e Procedurës Administrative, ligji nr. 9131, datë 08.9.2003 “Për rregullat e etikës në Administratën Publike”, ligji nr. 9367, datë 07.4.2005 “Për parandalimin e konfliktit të interesave në ushtrimin e funksioneve publike”.
-Njoftimi dhe komunikimi me kandidatët do të jetë nëpërmjet telefonit dhe adresës së e-mail të kandidatit.

GJYKATA E SHKALLES SE PARE TE JURIDIKSIONIT TE PERGJITHSHEM
ELBASAN

Elbasan më, 14/01/2025